भोजपुरमा छोराको कुटपिटबाट आमाको मृत्यु

भोजपुर।घरायसी विवादमा आफ्नै छोराले कुटपिट गर्दा घाइते भएकी टेम्केमैयुङ गाउँपालिका-५ खावा बस्ने ४६ वर्षीया पबित्रा देवी राईको मृत्यु भएको छ ।

 मृतकका  छोरा २० वर्षीय सन्देश राईले मंसिर ९ गते कुटपिट गरेको र सोही कारण बिरामी भएकी पबित्राको उपचारको लागि जिल्ला अस्पताल भोजपुर लैजाने क्रममा बाटोमै मृत्यु भएको हो । 

 अभियुक्त सन्देशलाई प्रहरीले पक्राउ गरी थप  आवश्यक अनुसन्धान गरिरहेको जनाएकाे छ ।