खोटाङका तामाङ सहित दुईजना पक्राउ

काठमाडौँ —प्रहरीले संरक्षित बन्यजन्तु  सालकको खपटासहित २ जनालाई पक्राउ गरेको छ ।                        प्रहरी वृत्त बालाजुको टोलीले काठमाडौको माछापोखरीबाट  ७७० ग्राम  सालकको खपटासहित दुईजनालाई  पक्राउ गरेको हो ।

पक्राउ पर्नेमा खोटाङ दिप्रुङ चुइचुम्पा-२ का उमेश तामाङ र सिन्धुली, तीनपाटन-६ का  मोहन पुलामी मगर रहेका छन् ।

आईयूसीएनले सालकलाई निकट भविष्यमै लोप हुनेसक्ने भनेर ‘क्रिटिकल्ली इन्डेन्जर्ड’ समूहमा समावेश गरेको छ भने सालक नेपालको संरक्षित वन्यजन्तु हो ।    

पक्राउ परेका व्यक्तिहरुलाई आवश्यक कारबाहीका लागि डिभिजन बन कार्यालय काठमाडौ बुझाइएको प्रहरीले जानकारी दिएको छ।