गाँजा बोकेको एम्बुलेन्स सहित दुईजना पक्राउ

इनरुवा ।सुनसरीको बराहक्षेत्र नगरपालिका-२बाट  गाँजा बोकेको भारतीय नम्बर प्लेटको एम्बुलेन्स सहित ओसारपसारमा संलग्न  दुईजनालाई प्रहरीले पक्राउ गरेको छ ।                                                                    हिजो(वैशाख २२ गते )अपरान्ह इलाका प्रहरी कार्यालय चतराबाट खटिएको प्रहरी टोलीले चेकजाँचको क्रममा BR07PC4765 नम्बरको एम्बुलेन्समा प्लास्टिकको बोरामा लुकाई छिपाई  राखेको  १४८ किलोग्राम गाजाँ बरामद गरेको हो ।                                                  गाँजा बरामद भएसगै ओसारपसारमा संलग्न चालक भारत बिहार सुपोलका धर्मेन्द्र कुमार यादव र एम्बुलेन्समा सवार मो. सदामलाई नियन्त्रणमा लिएको छ ।                      गाँजा सहित पक्राउ परेका उनिहरुको थप अनुसन्धान भईरहेको  कोशी प्रदेश प्रहरी कार्यालय बिराटनगरले जानकारी दिएको छ ।