गाँजा बोकेको एम्बुलेन्स नियन्त्रणमा : थप अनुसन्धान हुँदै

बिराटनगर , वैशाख २९ गते ।

सुनसरीको धरान उप-महानगरपालिका-१३ बाट ४ सय ४० किलोग्राम गाँजा बोकेको एम्वुलेन्स प्रहरीले नियन्त्रणमा लिएको छ ।                                                          वैशाख २९ गते राती इलाका प्रहरी कार्यालय धरानबाट खटिएको प्रहरी टोलीले चेकजाँचका क्रममा  धरान-१३ मा को. १ च ७३५९ नम्बरको एम्बुलेन्स भित्र प्लास्टिकको बोरामा प्याक गरी राखेको ४ सय ४० किलोग्राम गाँजा बरामद गरेको हो ।                                                   उक्त एम्वुलेन्स बुढासुब्बा डाईग्नोष्टिक सेन्टर प्रा.लि. धरानद्वारा संचालित रहेको खुल्न आएको र फरार चालकको खोजी साथै थप अनुसन्धान कार्य अगाडि बढाइएको कोशी प्रदेश प्रहरी कार्यालय बिराटनगरले जानकारी दिएको छ।