अछाममा जिप दुर्घटना : एकजनाको मृत्यु

अछाम ।अछामको कमलबजार नगरपालिका ७ क्वालेखस्थित भित्री कच्ची सडक खण्डमा जिप दुर्घटना हुँदा एक जनाको मृत्यु भएको छ भने दुई जना घाइते भएका छन् ।                                                          मंगलसेनबाट क्वालेखतर्फ जाँदै गरेको से १ ज ६१३ नम्बरको जिपमा सवार कमलबजार नगरपालिका ७ बस्ने ३४ वर्षीय कर्ण भाटको उपचारको क्रममा मृत्यु भएको हो । त्यस्तै दुर्घटनामा घाईते मिन बहादुर भाट र बद्री भाटलाई थप उपचारको लागी सुर्खेत तर्फ पठाईएको छ । दुर्घटनाग्रस्त जिप तथा चालक पुष्प बुढा प्रहरी नियन्त्रणमा रहेका छन्। घटनाबारे थप अनुसन्धान भइरहेको  प्रहरीले जानकारी दिएको छ।