मोरङको सुन्दर हरैंचामा भएको दुर्घटनामा परि एकजनाको मृत्यु दुईजना घाइते

बिराटचौक। मोरङको सुन्दर हरैँचा नगरपालिका–४ मा भएको सवारी दुर्घटनामा परी एकजनाको मृत्यु भएको छ भने  अन्य दुईजना घाइते भएका छन् ।

 पूर्वबाट पश्चिम तर्फ  जाँदै गरेको प्रदेश १–०२–००१ क ४५२५ नम्बरको ट्रक र विपरीत दिशाबाट आइरहेको को २० प ५८५४ नम्बरको मोटरसाइकल ठोक्किएर दुर्घटना भएको हो।

 शुक्रबार राति भएको दुर्घटनामा मोटरसाइकल चालक सुन्दरहरैँचा–७ का २५ वर्षीय भुपाल मगर, पछाडि सवार ३२ वर्षीय भीमबहादुर मगर र २८ वर्षीय बिक्रम माझी घाइते भएका थिए ।

 उनीहरुलाई उपचारका लागि धरानस्थित वीपी कोइराला स्वास्थ्य विज्ञान प्रतिष्ठान पठाइएको थियो । उपचारकै क्रममा बिक्रम माझीको मृत्यु भएको प्रहरीले जनाएको छ ।