रोकिराखेको ट्याक्टरमा मोटरसाइकल ठोकिएर दुर्घटना हुँदा एकजनाको मृत्यु

काठमाडौँ : झापाको मेचीनगर नगरपालिका–१५ हेल्दुवारीस्थित भित्री सडकखण्डमा सवारी दुर्घटनामा  एकजनाको मृत्यु भएको छ। स्थानीय ३८ वर्षीय विनोद राउतको मृत्यु भएको हो।

जिल्ला प्रहरी कार्यालयका प्रवक्ता खगेन्द्रबहादुर खड्काका अनुसारशनिबार साँझ भद्रपुरबाट इँटाभट्टातर्फ गइरहेको प्र१–०१–०१३प ३३३६ नम्बरको मोटरसाइकलले सडकको साइडमा रोकेर राखेको प्र१–०१–००१त ९९७७ नम्बरको ट्र्याक्टरलाई ठक्कर दिँदा मोटरसाइकल चालक  राउत र  पछाडि बसेका २१ वर्षीय  निश्चल भुजेल घाइते भएका थिए।

टाउको र शरीरको विभिन्न भागमा चोट लागी  गम्भीर घाइते भएका दुवै जनालाई उपचारका लागि विर्तामोडस्थित बी एण्ड सी अस्पताल लागिएको थियो । उपचारकै क्रममा राउतको मृत्यु भएको प्रहरीले जनाएको छ। ट्याक्टर र ट्याक्टर चालकलाई  प्रहरीले नियन्त्रणमा लिई थप अनुसन्धान गरिरहेको जनाएको छ।